Ikaw ba'y tunay na malaya?
Nasuri mo na ba ang buhay ng walang pagsala?
Isip mo ba'y hindi nababalot ng hiwaga?
Mata mo ba'y bukas sa bagong diwa?
Ang buhay kung hindi nasuri ay walang halaga.
Ang isip kung nagmula sa iba ay napakatanga.
Kung mabubuhay ka gamit ang paa ng iba,
layunin ng buhay, makita mo kaya?
Daanang nilalakaran, saan kaya mapupunta?
Alam mo ba kung saan ka magiging masaya?
Kaligayahan nga ba tunay na paksa?
Ang mabuhay nga ba ay ang paglaya?
Mapapagod ka lang sa iyong paghahanap.
Kaligayahan ay hindi ang siyang dahilan,
kung bakit sa buhay ay nagpapa-agos na lamang.
Katotohanan ay gawa-gawa lamang at ang buhay ay tunay na walang laman.
No comments:
Post a Comment