Tadhana

Pwede ko bang ulit-ulitin?

Isang araw sa buhay natin.

Araw na nasilayan.

Isang bituin sa kadiliman.

Sino bang mag-aakala?

Tulad mo'y makikilala.

Mundo ko'y nagambala.

Napuno ng pagpapala.

Ilang beses kang tinitigan.

Hindi tarok sa kaalaman.

Itinadhana ng kapalaran.

Na makilala ng lubusan.

Pwede ko bang ulit-ulitin?

Isang araw sa buhay natin.

Itinadhanang masalubong.

Sa buhay na parang gulong.

Kahit ulit-ulitin pa.

Sa isipa'y nakatala.

Bawat detalye ng pagkikita.

Pagtatagpo ng tadhana.

Tadhana ang nagtakda.

Tadhana ang nagpakawala.

Tadhana din ang magpaalala.

Tadhana na ang bahala.